كلمات يمه دللول عمار الكناني مكتوبة الشاعر علي عويز الشويلي

كلمات يمه دللول عمار الكناني مكتوبة الشاعر علي عويز الشويلي

صوت مكتوب    5 تعليقات   

قصيدة يمه دللول مكتوبة

الرادود عمار الكناني
كلمات الشاعر علي عويز الشويلي

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

اسمعت عبدالله يبچي وصحت جيبوه

بس اشويه اشمنه واذبحــوه

طفل شبرين طــول وليدي شوفوه

العطش گطع چبـدته لا تگطعوه

يمه . لحــد هسه ماگايل بـلسانه

يمه . ولو گتله ايرفرفلي ابـذرعانه

يمه . مشتاگه لسهرات امـناغـانه

گلتلك يمه ظـل عطشـان وياي

إذا رحت ويـه ابوك يذبحك الماي

يمه دللول .. يمه دللول

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

وانته زغير أسـولف چنت للناس

وليدي لو كبـر يشبـه العباس

عرفته من اصيحله ينوماس

يمد إيده اعله راية عمه عباس

يبني . اتذكر عباس من ايشوفك

يبني . چفينه يخليها اعله اچفوفك

يبني . وبحظني اتظل تبچي من ايعوفك

ارجع لا تخلي اگليبـي مشـلوع

اشمـك حته لو بس راس مگطوع

يمه دللول .. يمه دللول

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

وهوه بحظن ابو ماسكت وينــوح

صوته من العطش من يبچي مجروح

رفع إيـده إليه گبـل ميــروح

چنه إيگلي أردلچ يمه مذبوح

يبني . وي أمك ينتظرن عـماتك

تدري . ونستهن يوليدي بضحكاتك

يبني . ياشمعة وبالخيمه مخلياتك

صحت عبدالله وينك چلچل الليل

وعليك إنته وابــوك التمت الخيل

يمه دللول .. يمه دللول

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

مليانه فرح بالخيم مساع

وهسه الدم عليها اعيونه الوساع

تعال اغفه صحتله فوگ الذراع

عمت عيني اعله خدك حاره الگاع

يبني . عطشانه وذبلانه شفتينك

يبني . وشمس الطف مشتعله بخدينك

يبني . حظن امك ينتظرك چا وينك

باچر يارماد اللي يغطيك

ويا رمح ابدال امك يهز بيك

يمه دللول .. يمه دللول

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

يعبدالله السهم سووه للكبار

بس يذبح اطفال ابكربله صار

واصابع چفـك الحلوات الزغار

مال امناغه مو مالت چـوي ابنار

يبني . ماتنزل من رمحك شمتاتي

يبني . يابسمه من حسين ابوجداني

راح ابچي لحد ماتنعمي العين

ذبحوا ذكرياتي ويه الحسين

يمه دللول .. يمه دللول

~~~~~~

دللوه يــالولد يبني يمنحور

دللوه والسهم بـالرگـبه مكسور

يمـه دللـول .. يمـه دللـول

~~~~~~

كلمات قصيدة مجنونك مكتوبه مله عمار الكناني الشاعر احمد الهلباوي

كلمات قصيدة مجنونك مكتوبه مله عمار الكناني الشاعر احمد الهلباوي

صوت مكتوب    1 تعليق   

كلمات قصيدة مجنونك مكتوبة

الرادود عمار الكناني
كلمات الشاعر احمد الهلباوي

مجنونك . آنه افتخــــــر سمّوني

مجنونك . وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

جننتني امحبتـك . الليله روحـي لگبـّـتـك . مشتاگه

گلبي عاشك نينوى . وامشي وي اهل الهوى . العَشّاگه

والدمــع شاهـد صدگ . مايمثّل بالعشگ . واشواگه

آنه مجنــون وعقل . عنـــدي ماخلّه الحبـل . والناگه

گر عيني . وخلّينـــي مولاي أسيرك

گر عيني . وإغنيني عن هوى غيرك

گر عيني . شلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

ادموعي ليك اتشكرت . انته شمس النورت . ايامي

تكسي خدامك حرير . وانته عاري اعله الهجير . وضامي

راضع احزانك لبن . امن اصفن ايمر الضعن . گدامي

شلون يبقالي فكر . ابيقضتي نار الخدر . واحلامي

ما اعوفك . وعاشك حزن كربلائك

ماعوفك . وعرفني بالله عزائك

ماعوفك . وشلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

نعمــة الله دمعتـي . ايدومــها الله نعمتــــي . ما دامك

ابموكب الخدمه انفني . خادم اوكف منحني . لخدامك

الحب شربته ابمرضعي . ايفزز اجروحي النعي . اعله ايتامك

امنين يبقالي وقـار . ومهجتي حرگتهه نار . إخيامك

بعيوني . سالب منامي منامك

بعيوني . ماخذني مني غرامك

بعيوني . شلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

لاجلك انصاغ الفلك . وكل صفات الله إلك . وآلائه

التسعه والتسعين إسم . باسمك الاعظم تتم . اسمائه

مجلسك خيمه شرف . بيها دين الله انعرف . وانبائه

انته اول منتصر . ابلاغسل ضم الگبر . اشلائه

مااريده . عمري اللي مابيه طفوفك

مااريده . لو دينــي يجبرني اعوفك

مااريده وشلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

الله حب ان ينعرف . وخلق وجهك من عطف . انواره

شمل كلشي ابرحمتك . وبيك يفطم شيعتك . من ناره

الله للحبك يحب . واليزورك ينحسب . خطاره

شلون تعطش وانته ماي . شلون يتعرى الفياي . استاره

بعضيدك . الماعندي غيره أجيلك

بعضيدك . ومن بابه اصيحن دخيلك

بعضيدك . شلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

إلك وي ربك خطاب . ماكو فسحه ولاحجاب . ابينكم

اوياك يتبـادل غــرام . اشلون حب رب وإمام . ادخيلكم

ناده ربنه الانبيـاء . وين معشوگ السماء . واوينكم

هذا مهجة فاطمه . ماكو شيء ماقدمــــه . لمعبودكم

بدموعي . اسجدلك ابكل حياتي

بدموعي . امشيلك لحد مماتي

بدموعي . شلتك رسم بعيوني . مجنونك

~~~~~~~~~~

مجنونك . آنه افتخــــــر سمّوني

مجنونك .وعقلي إكتمل بجنوني

مجنونك . وشلتك رســــم بعيوني

مجنونك مجنونك

~~~~~~~~~~

كلمات قصيدة يخيمات مكتوبه مله عمار الكناني الشاعر علي عويز الشويلي

كلمات قصيدة يخيمات مكتوبه مله عمار الكناني الشاعر علي عويز الشويلي

صوت مكتوب    تعليق   

كلمات قصيدة يخيمات مكتوبة

الرادود عمار الكناني
كلمات الشاعر علي عويز الشويلي

~~~~~~~~~~~~~~

يخيمات ... باجر ليش تحتركن يخيمات

انه لوحدي وعندي يتيمات

عوفنه جدم زينب يجمرات

~~~~~~~~~~~~~~~

باجر ولايبقى لي أخو بين الغرب وحيده

باجر وراي اشكد ركض للمشرعه البعيده

آلزم طفل يركض طفل صوة ارتوه على أيده

احمل رقيه من الجمر خولي يطك حميده

يالعيون .. جف أجناب تنسطرن يالعيون

باجر وين تنظمن يالمتون

عكب الكمر حدايه اليكرهون

~~~~~~~~~~~~~~

يخيمات ... باجر ليش تحتركن يخيمات

انه لوحدي وعندي يتيمات

عوفنه جدم زينب يجمرات

~~~~~~~~~~~~~~~

باجر اشوف الماشفت كل عمري وحياتي

باجر ترى رماد الخيم سجادتي لصلاتي

باجر يضل سوط الشمر يندل متن بناتي

معناها لو جابو حبل ماضل ولي لخواتي

يموتون ... باجر كل هلج زينب يموتون

ناس بهلت دموعج يشمتون

زينب وليه نوليها يصيحون

~~~~~~~~~~~~~~

يخيمات ... باجر ليش تحتركن يخيمات

انه لوحدي وعندي يتيمات

عوفنه جدم زينب يجمرات

~~~~~~~~~~~~~~~

باجر آميراة الخلك تشبع بجي وشماته

وكفهن كبال الكمر زجر ويطك خواته

باجر ترى حسين العصر مايلحك لصلاته

فوك الترب ومايجي يشوف لجرة لبناته

يالخوان ... باجر عازه عازتكم يالخوان

وانتم رؤوس ماعندكم ياوليان

بين الخيل زينبكم يالحنان

~~~~~~~~~~~~~~

يخيمات ... باجر ليش تحتركن يخيمات

انه لوحدي وعندي يتيمات

عوفنه جدم زينب يجمرات

~~~~~~~~~~~~~~~

باجر تهد خيل وزلم تحرك خيم علينه

يطرش وجه شمر الضحك ويتشمت بجينه

وادم فلا عدهم رحم ونتشاكف بأدينه

باجر ولاعباس اكو لو فزعت يجينه

يعباس ... نصيح ومايرد لينه يعباس

توكف بينه وبيني شكثر ناس

الجيش طلعت عينه ينوماس

~~~~~~~~~~~~~~

يخيمات ... باجر ليش تحتركن يخيمات

انه لوحدي وعندي يتيمات

عوفنه جدم زينب يجمرات

~~~~~~~~~~~~~~~

باجر تفر كل الحرم بين الغرب هظيمه

ويذبحنه ميمون الولي من يصهل الظليمه

بالحومه كل حافر فرس كاسر ظلع يتيمه

ورأس الحسين يصب دمه من لحيته الكريمه

الأيتام ... من جرح الحبل تنحب الأيتام

بعد شضامه لزينب يالايام

عكب الخدر المسلب بعد شام

يخيمات ملا عمار مكتوبه